2023-10-03
加拿大夏令營Inclusive Counsellor工作日誌：入Camp交通與設施介紹。分享Camp內衣食住行實況，包括外判洗衫、男女共用浴室、 Dining Hall開飯流程、Cabin木屋住宿及晨間湖邊跳水文化。
作者: 那個癲婆
2022.06 - 2022.09
🚗 1. 入 Camp 當日：巨型行李與 16 歲的同事們
入 Camp 當日，Staff 可以選擇自己開車過去，或者去機構 Center 搭 Shuttle。
無車嘅我，當然係孭住個大背囊、拖住個大 Gip（入面仲塞咗個枕頭）、上面仲疊住袋睡袋，一路坐 Subway 去 Center 等。結果嚟到嘅係一架 Van 仔，大家塞 Gip 都塞咗一輪 😂。
經過 3 個鐘嘅車程終於入到 Camp，發現現場一車車嘅家長喺度送仔女過嚟。呢時先發現，原來大部分職員都係 16 - 18 歲嘅後生仔，個個都同屋企人告別得難捨難離。
🏕️ 2. Camp 環境與生活實錄
👕 衣：極具文化衝擊嘅「著泳衣沖涼」
- 洗衫：每兩個禮拜將自己啲衫放入特定袋，放喺廚房後面，會有外判嘅清潔公司運去洗衣房清潔 🧺。
- 沖涼：
- Training 嗰個禮拜還好，男女分開各用一個沖涼場所。
- 後來就男女混合了 🫠！各個沖涼間只有塊唔係好高嘅木板隔住，生得高少少就咩都睇到晒 😑。
- 嗰一刻我終於明白咩叫 Bathing suit……好後悔無買多套兩件式嘅泳衣 👙 (後來發現加拿大嘅泳池都係要著泳衣沖涼)。
🍕 食：超熱鬧嘅 Dining Hall 儀式感
食飯全程喺 Dining Hall 進行，整體流程非常有儀式感：
- Set 檯準備：開飯前 20 分鐘左右，各 Team 輪流 Set 檯（放凳、餐具 🍽️、水瓶、各種配料等）。
- 開飯 Beat/Song：準備好先放人入 Hall，會有 Leader 帶開飯 Beat，大家跟住做。
- 取餐機制：每檯預先放有一堆食物，唔夠要等廚房 Staff 敲鈴示意，再由每檯派一個代表去 Counter 攞。
- 🈲 注意：嚴禁帶任何 Nuts 入 Camp ⚠️！
- 🥗 特殊飲食：素食 / Gluten-free 等需求可直接同廚房講，亦設有素食 Counter。
- 飯後帶動氣氛：差不多食完嗰陣，會有某檯人突然發號施令，符合指示嘅人（全男/女/Senior/Junior）就會企起身唱專屬嘅歌；或者兩檯人一來一回對唱。總之要熱熱鬧鬧！（不過啲歌係口耳相傳，我完全係唸口簧模式 🏳️）
- 打掃：食完自己收拾餐具、抹檯、搬凳，各 Team 輪流打掃。
🛏️ 住：木屋 Cabin、蚊海與 10 度晨跳
- Accommodation：住喺一間間木屋 Cabin 入面，每間有 5 張碌架床。通常由 2 個 Staff 帶住 8 個參加者。同 Team 參加者係全男或全女，但 Staff 就唔一定。木床上得一塊薄床褥，其餘咩都無，亦無冷暖氣。
- 蚊蟲危機：因為周圍都係樹林又近湖，蚊蟲勁多 🦟！夜晚一開燈，啲蚊就飛蛾撲火咁衝過嚟，每晚開門出入都要極速 🤣。
- 10 度跳水醒腦：每日朝早 7:00 有個醒晨環節——去室外跳水台跳水醒腦 🥶！山頭嘅朝早氣溫只有 10 度左右，第一日我望咗兩望，決定坐喺度觀賞就算了 🤗。